Un ano máis dende AGAPEMA poñemos en marcha unha edición da Olimpíada Matemática Galega, concurso de resolución de problemas dirixido ao alumnado de 2º curso de ESO. Dende a nosa asociación entendemos que nesta actividade faise realidade o lema de que “o importante non é gañar, senón participar”, procurando fomentar o traballo baseado na resolución de problemas en todas as aulas de Galicia.
Este ano temos como novidade principal a eliminación da fase de inscrición de centros, polo que se inscribirá directamente ao alumnado a través deste formulario.
As principais datas a ter en conta á hora de participar son as seguintes:
– Inscrición do alumnado: 23 de marzo
– Fase de zona: 27 de abril
– Fase final galega en Lugo: 18 de maio
Toda a información detallada, formularios de inscrición e mesmo probas de anos anteriores, pódense atopar na nosa web
Se tes algunha dúbida ou suxestión relacionada con esta actividade, podes contactar coa organización da mesma na dirección olimpiada@agapema.org
Esperamos contar coa túa participación.
Patrocina
